Ndërlidhjet

Siri: Kryengritësit i sulmuan me predha pjesë të Alepos


Pamje nga një pjesë e Alepos e dëmtuar nga luftimet
Pamje nga një pjesë e Alepos e dëmtuar nga luftimet

Mediat shtetërore të Sirisë thonë se kryengritësit e kanë sulmuar me predha qytetin Alepo, një pjesë e të cilit është nën kontroll të qeverisë.

Gjatë këtij sulmi të sotëm janë vrarë së paku 5 vetë dhe plagosur dhjetëra të tjerë.

Televizioni shtetëror raportoi se cak i sulmit me predha ishte lagjja Sulejmania, e banuar kryesisht me popullatë të krishterë.

Observatori sirian për të drejtat e njeriut me seli në Londër, që përbëhet nga një rrjet i aktivistëve në gjithë Sirinë, ka njoftuar se ushtria e Sirisë, po ashtu sot, ka ndërmarrë një sulm ajror në një pjesë tjetër të qytetit Alepo, e cila është nën kontrollin e kryengritësve, me ç’rast ka pasur viktima. Por, nuk jepet numri i njerëzve që eventualisht janë vrarë ose plagosur.

Qyteti Alepo është, praktikisht, linja kryesore e frontit në luftën e Sirisë.

Kryengritësit sirianë, në të kaluarën, kanë ndërmarrë sulme në hapësirat e banuara të këtij qyteti, që ishin nën kontrollin e qeverisë, duke vrarë qindra njerëz.

Nga ana tjetër, aeroplanët luftarakë të qeverisë së Sirisë kanë hedhur bomba-fuçi në lagjet e Alepos, që ishin nën kontrollin e kryengritësve, dhe në qytete të tjera, duke vrarë mijëra njerëz.

XS
SM
MD
LG