Rusia dhe Kina kanë nënshkruar disa marrëveshje që synojnë forcimin e lidhjeve ekonomike midis dy vendeve.
Marrëveshjet përfshijnë atë për Sberbank-ën e Rusisë, për të hapur një linjë kredie me Bankën për Zhvillim të Kinës, në vlerë prej 966 milionë dollarësh.
Marrëveshjet janë nënshkruar në kuadër të bisedimeve midis presidentit rus, Vladimir Putin, dhe atij kinez, Xi Jinping, i cili po viziton Moskën me rastin e 70-vjetorit të humbjes së Gjermanisë Naziste në Luftën e Dytë Botërore.
