Në Poloni po zhvillohet rrethi i parë i zgjedhjeve presidenciale.
Rezultatet pritet të çojnë në balotazh midis presidentit aktual, Bronislaw Komorowski, dhe sfidantit të tij konservator, Andrzej Duda.
Në Poloni, kryeministri ka shumicën e kompetencave, por presidenti ushtron ndikimin e tij si udhëheqës i forcave të armatosura dhe ka po ashtu rol në politikën e jashtme, si dhe fuqinë e vetos së legjislacionit.
Nëse asnjëri nga kandidatët nuk fiton më shumë se 50 për qind të votave sot, rrethi i dytë i zgjedhjeve do të mbahet më 24 maj.
