Një tërmet i fuqishëm ka goditur sot Nepalin, vetëm pak javë pas tërmetit shkatërrues, që ka vrarë mbi 8,000 persona dhe ka shkatërruar qindra-mijëra shtëpi.
Instituti Gjeologjik i Shteteve të Bashkuara ka bërë të ditur se tërmeti i ri ka pasur fuqinë prej 7.4 shkallësh të Richterit dhe ka goditur 68 kilometra në perëndim të qytetit Namçe Bazar, pranë Malit Everest.
Një zëdhënës i Organizatës Ndërkombëtare për Migracion ka thënë se katër njerëz janë vrarë në qytetin Çautara.
Dridhje të forta janë ndjerë edhe në kryeqytetin Kathmandu, i cili është dëmtuar keq nga tërmeti i 25 prillit.