Aeroporti i Prishtinës ka njoftuar se një helikopter i misionit evropian pwr sundimin e ligjit, EULEX, është aksidentuar sot rreth orës 15:00 në pistën e këtij aeroporti.
Sipas njoftimit dërguar mediave nga zëdhënësja e aeroportit, Valentina Gara, helikopteri “fluturonte për qëllime trajnuese”.
Njoftimi më tej thotë se një person që ishte pjesë e ekuipazhit është lënduar dhe i njëjti është dërguar menjëherë në spital dhe nuk ka të lënduar të tjerë”.
“Aeroporti është përkohësisht i mbyllur dhe do të aktivizohet pas kthimit të shërbimit të zjarrëfikësve në kategorinë e kërkuar për operime”.
Zëdhënësja Gara ka thënë se “pas përfundimit të hetimeve do të jipen të dhëna shtesë”.