Kryeministri pakistanez, Navaz Sharif, ka thënë se vendi i tij dhe Afganistani pritet të nisin “operacione të koordinuara” kundër militantëve përgjatë kufirit të përbashkët.
Ai i ka bërë këto komente sot gjatë një konference të përbashkët me presidentin afgan, Ashraf Ghani, në Kabul.
Sharif është duke e udhëhequr një delegacion të nivelit të lartë pakistanez gjatë vizitës në Kabul.
Sa i përket bisedimeve në mes të Afganistanit dhe talebanëve, Sharif ka thënë: “Ne jemi të përkushtuar ndaj programit të paqes të Afganistanit dhe Pakistani e siguron Afganistanin për çfarëdo bashkëpunimi”.
Talebanët janë pajtuar për bisedime me Kabulin me kushtin paraprak që kërkon largimin nga Afganistani të të gjithë trupave amerikane të mbetura në Afganistan.
