Autoritetet në Afganistan thonë se një sulm vetvrasës me veturë bombë ndaj një konvoji të automjeteve me forca të huaja policore afër aeroportit të Kabulit e ka vrarë një pjesëtar të Misionit Policor të BE-së (EUPOL) dhe dy gra afgane.
EUPOL e ka konfirmuar se një nga oficerët e saj në Afganistan është vrarë sot, derisa së paku dy automjete të këtij misioni ishin pjesë e konvojit që u sulmua me mjet shpërthyes.
Dy gratë afgane të vrara kanë qenë civil, ndërsa 18 persona të tjerë janë plagosur, në mesin e të cilëve edhe tre policë evropianë.
Një nga zëdhënësat e talebanëve ka thënë se sulmi është kryer nga një pjesëtar i tyre.