Bashkimi Evropian ka rënë dakord që të ndihmojë Ukrainën me një kredi prej 1.8 miliard eurosh.
Marrëveshja është nënshkruar në samitin e BE-së në Riga të Letonisë, ku kanë marrë pjesë liderët e 28 vendeve anëtare të bllokut, si dhe ata të gjashtë vendeve ish-sovjetike.
Kredia ka për qëllim të ndihmojë ringjalljen e ekonomisë së Ukrainës, e cila është prekur keq edhe nga konflikti në lindje të këtij vendi.
Ajo kërkon nga Ukraina që të miratojë disa reforma, përfshirë edhe masat anti-korrupsion.
Kjo është marrëveshja më e madhe financiare që ka nënshkuar BE-ja me një vend joanëtar të bllokut.
