Presidenti i Rusisë, Vladimir Putin, ka bërë thirrje për “lidhje konstruktive” me Poloninë, derisa ka uruar konservatorin Andrzej Duda për fitoren në zgjedhjet presidenciale.
Duda ka fituar në balotazhin e së dielës me 52 për qind të votave, kundër presidentit aktual, Bronislaw Komorowski, i cili ka marrë 48 për qind.
Putin ka shfaqur shpresën se “ndërtimi i lidhjeve konstruktive midis Rusisë dhe Polonisë, i bazuar në parimet e marrëdhënieve të mira fqinjësore dhe në respektin e ndërsjellë, do të ndihmojë në forcimin e sigurisë dhe të stabilitetit në Evropë”.
Polonia ka qenë një nga kritiket më të zëshme të Rusisë, për shkak të ndërhyrjes së saj në Ukrainë.
