Presidenti i Federatës Botërore të Futbollit (FIFA), Sepp Blatter, ka dënuar “veprimet e individëve” që kanë sjellë “turp dhe poshtërim” për futbollin.
Të mërkurën, autoritetet zvicerane kanë arrestuar shtatë zyrtarë të FIFA-s nën akuzat për korrupsion, të ngritura nga Shtetet e Bashkuara.
Prokurorët zviceranë kanë hapur po ashtu hetime për mitmarrje dhe shpëlarje parash, të cilat lidhen me ofertat për organizimin e Kupës së Botës më 2018 në Rusi dhe më 2022 në Katar.
Duke folur në hapje të Kongresit të FIFA-s në Cyrih, Blatter ka thënë se edhe pse shumë e mbajnë atë “përgjegjës” për veprimet e FIFA-s, “ai nuk mund t’i monitorojë të gjithë gjatë gjithë kohës”.
Blatter, 79 vjeç, garon nesër në zgjedhjet për president të FIFA-s, për mandatin e pestë me radhë.
Në garë për president është edhe Princi Ali i Jordanisë.
Lexoni edhe këtë.
