Mijëra shkolla të dëmtuara nga tërmeti shkatërrues në Nepal, në muajin prill, kanë nisur të rihapen.
Mbi 25,000 klasë në rreth 8,000 shkolla janë shkatërruar nga tërmeti i 25 prillit, i cili ka pasur fuqinë e 7.8 shkallëve të Richterit dhe ka vrarë mbi 8,000 njerëz.
Shumë prej shkollave janë rindërtuar vetëm përkohësisht.
Orët e mësimit fillimisht do të fokusohen në trajtimin e fëmijëve nga trauma e katastrofës.
Këtë javë, Kombet e Bashkuara kanë thënë se një muaj pas tërmetit, bota duhet të sigurojë më shumë ndihma për të pastrehët në Nepal.