Gjykata Supreme në Arabinë Saudite mbështeti dënimin prej 10 vjet burgim dhe 1,000 rrahje me kamxhikë të Raif Badawi-t, i cili është gjetur fajtorë nën akuzën se kishte ofenduar fenë islame në faqen e tij të internetit.
Badawi, i cili ishte dënuar vitin e kaluar, më 9 janar është rrahur me 50 kamxhikë para një xhamie në qytetin Jeddah. Por ky dënim u ndërpre për arsye shëndetësore.
Gruaja e tij ka thënë sot se ajo frikësohet se dënimi me rrahje me kamxhik “mund të rifillojë javën e ardhshme”.
Vendimi i Gjykatës Supreme është i formës së prerë dhe mund të shfuqizohet vetëm me falje mbretërore.
Badawi, i cili është bashkëthemelues i grupit të diskutimit “Rrjeti liberal saudit”, është arrestuar në qershor të vitit 2012.
Ueb faqja e tij është mbyllur pasi që është kriitikuar shumë nga policia famëkeqe fetare e Mbretërisë. Rasti i Raif Badawit është dënuar ndërkombëtarisht.
