Presidenti i Ukrainës, Petro Poroshenko, ka nënshkruar ligjin me të cilin braktisen pesë marrëveshje dypalëshe midis Ukrainës dhe Rusisë, për bashkëpunim në mbrojtje.
Masat fillimisht janë miratuar nga Parlamenti i Ukrainës.
Marrëveshjet e asgjësuara përfshijnë atë të tranzitit përmes Ukrainës të personelit ushtarak rus, i cili është i pozicionuar në Republikën e Moldavisë.
Rusia mban trupa dhe paqeruajtës në rajonin separatist të Moldavisë, Transdniester, edhe pse qeveria moldave ka kërkuar vazhdimisht largimin e tyre.
