Ndërlidhjet

Shqipëri: E majta udhëheq në zgjedhjet lokale


Pamje nga votimet në fshatin Surrel afër Tiranës

Rezultatet preliminare të zgjedhjeve lokale në Shqipëri tregojnë se partitë e majta, të koalicionit të udhëhequr nga Partia Socialiste në qeveri, po prinë në pjesën më të madhe të bashkive, përfshirë edhe kryeqytetin Tiranë.

Deri tash janë numëruar pothuajse një e treta e fletëvotimet të zgjedhjeve të mbajtura dje.

Nga këto votime do të zgjedhen 61 kryetarë të bashkive dhe 1,600 këshilltarë, në 12 qarqet e Shqipërisë.

Dalja në zgjedhje ishte afro 48%, raporton AP nga Tirana.

Votimi konsiderohet hap madhor i Tiranës për ta bindur Bashkimin Evropian për lansimin e negociatave për anëtarësim me Shqipërinë, e cila prej vitit të kaluar e ka statusin e vendit kandidat për pranim.

Gjatë votimeve është raportuar vetëm për incidente të vogla ose përpjkeje të dyshuara për manipulim.

Sot më vonë gjatë ditës, monitoruesit ndërkombëtarë pritet t’i paraqesin vlerësimet e tyre për zgjedhje.

XS
SM
MD
LG