Kryeministri grek Alexis Tsipras ka rifilluar bisedimet urgjente me kreditorët ndërkombëtarë në Bruksel sot, në përpjekje për të shpëtuar vendin nga falimentimi.
Bisedimet e vështirra të më 24 qershor, dështuan të prodhojnë një marrëveshje, teksa negociatorët grekë kanë refuzuar reformat e kërkuara nga liderët e Bashkimit Evropian dhe Fondit Monetar Ndërkombëtar.
Qëllimi i këtyre bisedimeve është arritja e marrëveshjes, e cila fillimisht duhet të miratohet nga ministrat e eurozonës dhe më pas nga liderët e BE-së gjatë samitit që do të mbahet sonte në Bruksel.
Në bisedimet që u zhvilluan dje, Greqia tërhoqi disa nga propozimet e saj për reforma dhe si duket kjo gjë u bë pas presionit të partisë së majtë të kryeministrit Tsipras, partia Syriza, duke përfshirë këtu edhe rritjen e kontributit në pensione.
Greqia ka afat deri më 30 qershor që t’ia paguaj borxhin prej 1.5 miliardë eurosh FMN-së, në të kundërtën falimenton dhe rrezikon të dalë nga eurozona.
