Liderët evropianë thonë se ende ka kohë për të arritur marrëveshje për ta shmangur falimentimin e qeverisë së Greqisë dhe ndaljen e largimit të mundshëm të Greqisë nga eurozona.
Kancelarja e Gjermanisë, Angela Merkel, tha sot në Berlin se “është e gatshme të bisedoj me qeverinë e Greqisë në çdo kohë”.
Presidenti i Francës, Francois Hollande, po ashtu sot, tha se “Franca është në favor të mbetjes së Greqisë në eurozonë dhe Franca është e gatshme të veproj”.
Komisioni Evropian tha se sot më vonë gjatë ditës do të paraqes propozime të reja, që synojnë evitimin e krizës.
Tregjet në Evropë dhe Azi sot kanë shënuar rënie të ashpër derisa po afrohet afati 30 qershor, që Athina ta paguaj kthimin e kredisë prej 1.7 miliarë euro për Fondin Monetar Ndërkombëtar.
Dje, kryeministri i Greqisë, Alexis Tsipras, ka urdhëruar mbylljen e bankave dhe tregjeve të aksioneve për afro një javë. Ai tha se do të kërkoj edhe një herë nga kreditorët, për një zgjatje afatshkurtër të afatit të pagesës.