Prokurori shtetëror i Egjiptit, Hisham Barakat, ka vdekur sot në spital, pasi konvoji ku gjendej ai ishte sulmuar në kryeqytetin Kajro.
Ministri i drejtësisë i Egjiptit, Ahmed al-Zind, tha se Birkam vdiq në spital, ku ishte dërguar së bashku me disa truproje të tij, pasi konvoji i tij sot ishte sulmuar me bombë.
Sulmi ka ndodhur në qarkun Heliopolis, afër një akademie ushtarake.
Aktualisht, militantët e Shtetit islamik (IS) kanë bërë thirrje për sulme kundër sistemit gjyqësor në Egjipt, pas ekzekutimit me varje të gjashtë militantëve të dënuar me vdekje.
Prokurori i vrarë, Hisham Barakat, e ka mbikëqyrë procesin e ndjekjes së mijëra militantëve islamistë të dyshuar, prej përmbysjes së presidentit, Mohammad Morsi, në vitin 2013, ndërsa qindra prej tyre janë ekzekutuar.