Ndërlidhjet

Greqi: Rihapen bankat për pensionistë


Pamje nga protesta e mbrëmshme në Athinë
Pamje nga protesta e mbrëmshme në Athinë

Ministria e financave e Greqisë thotë se 1 mijë degë të bankave do të hapen nesër për tu kujdesur për pensionistët të cilët nuk i përdorin kartelat për t’i tërhequr pensionet e tyre nga automatet bankare.

Pritet që për qëllime të tjera, bankat do të mbesin të mbyllura deri më 6 korrik, si pjesë e masave të kontrollit të kapitalit të cilën e ka imponuar qeveria për parandalimin e shkatërrimit të sistemit bankar.

Greqia sot formalisht hynë në falimentim për obligimet e veta ndaj Fondit Monetar Ndërkombëtar (FMN), derisa po ashtu sot, kalon ndihma kreditore ekzistuese nga FMN-ja dhe Bashkimi Evropian.

Deri në mesantë, Greqia duhet ta paguaj borxhin prej 1.8 miliardë euro për FMN-në.

Kryeministri i Greqisë, Alexis Tsipras, ka kërkuar që në referendumin e 5 korrikut, votuesit t’i refuzojnë kërkesat e kreditorëve ndërkombëtarë.

Liderët evropianë kanë tërhequr vërejtjen se refuzimi i kërkesave të kreditorëve do të nënkuptoj se Greqia largohet nga eurozona.

Mbrëmë në Athinë dhjetëra mijëra njerëz janë tubuar në mbështetje të qeverisë. Një protesë rivale është planifikuar për sot më vonë gjatë ditës.

XS
SM
MD
LG