Ndërlidhjet

Ish-komandati serb arrin në Zagreb, për t'u gjykuar për krime lufte


(©Shutterstock)
(©Shutterstock)

Një ish-komandat i forcave paramilitare serbe gjatë luftërave në vitet 1990 në Ballkan, ka arritur në Kroaci, ku do të përballet me akuza për krime lufte, pasi është ekstraduar nga Australia.

Dragan Vasiljkoviq, i njohur edhe me emrat Kapiten Dragani dhe Daniel Snedden, ka mbërritur në Zagreb sot, një ditë pasi autoritetet në Sidnej e dorëzuan atë te autoritetet kroate.

Vasiljkoviq po akuzohet për vrasje dhe tortura të civilëve, në kohën kur ishte komandant gjatë luftës në Kroaci në vitet 1991-95.

Ai ka mohuar akuzat, për të cilat, nëse shpallet fajtor mund të dënohet deri 20 vjet burgim.

I lindur në Serbi, Vasiljkoviq u shpërngulë në Australi kur ishte 15 vjeç por u kthye në Ballkan për tu trajnuar me rebelët serb të Kroacisë në vitin 1991, kur serbët filluan luftën kundër Kroacisë

XS
SM
MD
LG