Ministri i Jashtëm i Francës, Laurent Fabius ka thënë se ka pranuar ftesën për të vizituar Iranin, pasi Teherani dhe fuqitë botërore arritën marrëveshje për programin bërthamor të Republikës Islamike.
Fabius i ka thënë një radio franceze se homologu i tij iranian, Mohammad Javad Zarif e ka “ftuar” atë që të vizitojë Teheranin.
“I thash që do të shkoj në Iran”, ka thënë Fabius, duke mos dhënë detaje për datën e vizitës.
Ndërkaq, agjencia e lajmeve Reuters duke u thirrur në burimet e veta, njofton se ministri gjerman i Ekonomisë, Sigmar Gabriel po planifikon që të vizitojë Teheranin më 19 korrik.
Zëdhënësja e Ministrisë ka thënë se vizita për në Iran është duke u shqyrtuar, duke mos dhënë detaje të tjera.