Ndërlidhjet

Australi: Përkujtohen viktimat e rrëzimit të aeroplanit MH17


Kryeministri Tony Abbott para pllakës përkujtimore të viktimave të rrëzimit të aeroplanit MH17

Në Australi janë përkujtuar viktimat e rrëzimit të aeroplanit të Malajzisë, MH17, në njëvjetorin e kësaj katastrofe në pjesën lindore të Ukrainës, me ç’rast ishin vrarë të 298 njerëzit në aeroplan, përfshirë 38 shtetas dhe banorë të Australisë.

Kryeministri i Australisë, Tony Abbott, sot e ka zbuluar një pllakë me emrat e viktimave nga Australia në kopshtet e Parlamentit të Australisë në Kanberra.

Kjo pllakë qëndron mbi dheun që është marrë nga vendi i rrëzimit të aeroplanit.

Aeroplani i kompanisë ajrore të Malajzisë, MH17, i tipit Boeing 777, fluturonte nga Amsterdami për në Kuala Lumpur, kur u rrëzua në rajonin e Donjeskut, në pjesën lindore të Ukrainës, më 17 korrik 2014.

Ekipi i hetuesve, i udhëhequr nga Holanda, beson se provat tregojnë se, me gjasë, fajin për rrëzim e ka raketa ruse e shkrepur nga kryengritësit prorusë.

Rusia dhe kryengritësit e hedhin poshtë çfarëdo përgjegjësie.

XS
SM
MD
LG