Kryeministri i Irakut, Haider al-Abadi ka vizituar vendin ku nga një sulm me bomb i grupit militant Shteti Islamik, u vranë 120 njerëz.
Sulmi i 17 korrikut në tregun në Khan Bani Saad në provincën Diyala, ndodhi ditën e fundit të muajit të Ramazanit.
Më shumë se 130 persona të tjerë u plagosën.
Bombardimi ka ndodhur në një zonë të cilën milicia shiite e ka marrë nga Shteti Islamik në muajin janar, duke i larguar grupet radikale sunite nga qytetet dhe fshatërat e provincës.
Vizita e Abadit vjen pasi Gjenerali Abdul Amir al-Zaidi ka thënë se 5 burra të dyshuar se kanë kryer këtë bombardim janë arrestuar më 20 qershor.
