Grupi për mbrojtjen e të drejtave të njeriut ka kritikuar Kazakistanin se ka dështuar të mbrojë nga dhuna, diskriminimi komunitetin gej, lesbike dhe transgjinor (LGBT).
Në raportin e publikuar sot, Human Rights Watch thotë se komuniteti LGBT në Kazakistan jeton në “atmosferë të frikës”.
Kyle Knight, aktivist i të drejtave të njeriut dhe njëri prej autorëve të raportit ka thënë se “qeveria kazake duhet të mbështesë të drejtat e njeriut dhe të drejtat e komunitetit LGBT, të sigurojë se asnjë ligj diskriminues nuk do të miratohet dhe të marrë hapa të menjëhershëm për parandalimin e homofobisë”.