Raundi i dytë i bisedimeve mes zyrtarëve afganë dhe atyre talibanë do të mbahet më 30 korrik.
Mohammad Ismail Qasimyar, një zyrtar nga Këshilli i Lartë i Paqes i Kabulit, tha më 24 korrik se të dy palët ende janë duke vendosur për detajet e bisedimeve, përfshirë se kush do të marrë pjesë dhe ku do të mbahet.
Kina mund të jetë një nga vendet.
Këshilli i Lartë i Paqes është i ngraruar me negociimin e një marrëveshjeje me talibanët.
Qasimyar tha se Kabuli do t’i bëjë thirrje talibanëve të pajtohen në një armëpushim të përkohshëm nga luftimet, të cilat janë duke u zhvilluar që nga koha kur koalicioni i udhëhequr nga SHBA-të rrëzoi regjimin Taliban në vitin 2001.
Raundi i parë i bisedimeve u zhvillua në Murree të Pakistanit, në periferi të Islamabadit, më 7 korrik nën patronatin e SHBA-së dhe zyrtarëve kinezë.
Presidenti afgan Ashraf Ghani, bisedimet me talibanët i ka bërë prioritet të qeverisjes së tij.