Raportohet se koalicioni i udhëhequr nga Arabia Saudite, ka thënë sot se do të ndërpresë sulmet ajrore mbi rebelët huthi dhe aletatët e tyre në Jemen, për të respektuar armëpushimin humanitar, i cili ka hyrë në fuqi.
Sifoqoftë, luftime ka pasur në provincat Taiz, Marib dhe Lahj, gjithashtu edhe afër qytetit Aden.
Koalicioni i cili sulmon caqet e rebelëve ka thënë se për 5 ditë do të vëzhgojë armëpushimin, ku do të lejohet shpërndarja e ndihmës humanitare për civilët.
Ky njoftim vjen pasi sulmet ajrore goditën provincën Taiz, ku u vranë të paktën 80 persona, në mesin e tyre edhe civilë.
Koalicioni i udhëhequr nga Arabia Saudite ka bombarduar rebelët Huthi dhe aleatët e tyre që prej muajit mars, pasi qeveria e presidentit Abd-Rabbu Mansur Hadi, iku në ekzil.
Në shumë se 80 për qind e popullsisë 25 milionëshe të Jemenit ka nevojë për një lloj ndihme.
Një armëpushim i arritur nga Kombet e Bashkuara, dështoi në fillim të këtij muaji.