Në qytetin Tianjin të Kinës, ku kanë ndodhur dy shpërthime masive, vazhdojnë ende zjarret.
Një ekip i ekspertëve ushtarakë kimikë është duke testuar nëse ka gazra toksikë në vendin e ngjarjes, ndërsa punëtorët e shpëtimit janë urdhëruar që të veshin rroba mbrojtëse.
Së paku 50 njerëz kanë vdekur dhe qindra janë plagosuur nga shpërthimet që kanë ndodhur në një depo me kemikate të rrezikshme, të mërkurën në mbrëmje.
Në mesin e të vdekurve janë edhe 17 zjarrfikës.
