Nga një sulm vetëvrasës me makinë-bombë afër një spitali privat në kryeqytetin Kabul në Afganistan, dje janë vrarë së paku 12 dhe plagosur afro 60 vetë të tjerë.
Një zëdhënësi i Ministrisë së shëndetësisë së Afganistanit tha se në këtë sulm janë vrarë së paku nëntë civilë.
Zëdhënësi i NATO-s, koleneli Brian Tribus, tha se tre kontraktorë civilë të aleancës janë vrarë në këtë shpërthim.
Zyrtarët thanë se cak i sulmit ishte një kovoj i personave të jashtëm.
Disa automjete janë shkatërruar nga ky eksplodim.
Janë shkatërruar edhe dritaret në spitalin Shinozada, që përshkruhet si spitali i parë privat në Afganistan.
Eksplodimi është dëgjuar në gjithë qytetin.
Në Ambasadën e Shteteve të Bashkuara, që është nën mbrojtje të fuqishme, e që gjendet disa kilometra larg shpërthimit, janë aktivizuar sirenat e alarmit.
