Ushtria e Pakistanit thotë se sulmet ajrore mbi talibanët në veriperëndim të vendit kanë vrarë të paktën 31 militantë të dyshuar.
Zyrtarët e inteligjencës thanë se aeroplanët ushtarakë kanë qëlluar zonën Shawal sot, duke vrarë të paktën 17 militantë të dyshuar.
Katër vendstrehime të militantëve u shkatërruan, sipas zyrtarëve.
Sulmet ajrore ndodhën në pjesën e kufirit të rajonit të Waziristan Jugor dhe Verior.
Shumica e civilëve janë evakuuar vitin e kaluar, kur Pakistani filloi ofanzivë të plotë kundër talibanëve pakistanezë dhe aleatëve të tyre.
Gjithashtu sot, sulme tjera ajrore në rajonin Khyber vranë të paktën 14 militantë dhe plagosën gjatë tjerë, i thanë zyrtarët e inteligjencës agjencisë së lajmeve Reuters.