Nënpresidenti i Shteteve të Bashkuara, Joe Biden, ka thënë se nuk e di nëse ka “energji emocionale” për të garuar për president.
Ai i ka bërë këto komente gjatë një leksioni për politikën e jashtme në Atlanta.
Biden, 72 vjeç, ka humbur djalin e tij, Beau, nga kanceri, disa muaj më parë.
Mediat janë duke pritur me javë të tëra se Biden do të sfidojë kandidaten tjetër demokrate, Hillary Clinton.
Korrespondentët thonë se demokratët i kanë bërë thirrje Bidenit që të garojë, pasi fushata e Clintonit është duke luftuar me pyetjet rreth përdorimit të emailit të saj zyrtar gjatë kohës sa ka qenë Sekretare e Shtetit.