Dhoma e Ulët e Parlamentit të Britanisë ka votuar për organizimin e një referendumi publik në fund të vitit 2017, për anëtarësinë e Britanisë në Bashkimin Evropian.
Ligji, i cili ka kaluar me 326 vota për dhe 53 kundër, i është dërguar tani Dhomës së Lordëve.
Por, para miratimit të ligjit, kryeministri David Cameron ka pësuar një humbje të turpshme nga ligjvënësit e tij euroskpetikë, të cilët kanë bashkuar forcat me opozitën për të votuar kundër rregullave që ka kërkuar Cameron për aktivitetin e qeverisë në prag të referendumit.
Cameron ka dashur që të zbusë rregullat e zakonshme, sipas të cilave, ministrat ndalohet të bëjnë ndonjë shpallje që mund të ndikojë rezultatin e votimit, 28 ditë para referendumit.
Por, tani do të aplikohen rregullat normale.