Presidenti i Egjiptit ka pranuar dorëheqjen e kryeministrit Ibrahim Mehleb dhe të kabinetit të tij.
Presidenti Abdel Fattah al-Sisi ka pranuar dorëheqjen të shtunën, të njëjtën ditë kur është ofruar, ka thënë zyra e Sisit.
Ai ka urdhëruar kabinetin që të vazhdojë të punojë derisa të formohet qeveria e re.
Sisi po ashtu ka urdhëruar ministrin në largim të naftës, Sharif Ismail, që të formojë qeverinë e re.
Asnjë arsye zyrtare nuk është dhënë për dorëheqjen e qeverisë.
Të hënën e kaluar, ministri egjiptian i Bujqësisë është arrestuar nën akuzat për korrupsion.