Gjermania do ta rikthej kontrollin në kufirin e saj me Austrinë, derisa po ballafaqohet me numër rekord të migrantëve, raportuan sot mediat në Gjermani.
Kontrolli i pasaportave ishte anuluar për vendet brenda zonës Shengen të Bashkimit Evropian, por vendimi për rikthimin e kësaj mase, pritet të shpallet nga ministri i brendshëm gjerman, Thomas de Maiziere, në një konferenncë për gazetarë sonte në Berlin, kanë raportuar disa media gjermane.
Gjermania është bërë vend i destinimit për migrantët, kryesisht nga Siria, pasi kancelarja, Angela Merkel, i ka lehtësuar rregullat e azilit për shtetasit e vendit që është i përfshirë në luftë.
Por, me 450 mijë imigrantë, që kanë arritur prej fillimit të vitit, infrastruktura në Gjermani është tkurrur në maksimum, raporton AFP nga Berlini.
