Mbi gjysmë milioni migrantë janë numëruar të kenë kaluar kufirin e Bashkimit Evropian gjatë këtij viti, në krahasim me numrin prej 280 mijësh të regjistruar në vitin 2014.
Të dhënat janë publikuar nga agjencia evropiane e kufirit, Frontex.
“Mbi 500 mijë migrantë janë regjistruar në kufijtë e Bashkimit Evropian në tetë muajt e parë të këtij viti, kurse në muajin gusht është regjistruar numri rekord prej 156 mijë vetash”, thuhet në deklaratën e Frontexit.
Shumica prej tyre janë nga Lindja e Mesme dhe Afrika veriore.