Ndërlidhjet

Vazhdon paraburgimi i pilotes ukrainase në Rusi


Nadia Savchenko. Foto arkivi.

Një gjykatë në Rusi, ka vendosur se pilotja ukrainase Nadia Savchenko, duhet të qëndrojë në burg në Rusi, përderisa gjykimi i saj është duke vazhduar .
Savchenko është në paraburgim që nga nga qershori i viti të kaluar.

Ajo mund të dënohet me 25 vjet burg, për çka autoritete ruse e akuzojnë, për pjesëmarrje në vrasjen e dy korrespodentëve rusë, në lindje të Ukrainës.

Savchenko, e cila ka mohuar akuzat, ka thënë se ajo është zënë nga separatistët pro rusë dhe është transferuar ilegalisht në Rusi.

Në paraqitjen e saj të fundit sot, gjykata ka refuzuar kërkesën e saj të lirohet gjatë gjykimit, në bazë të imunitetit diplomatikë që ka ajo si delegate e Ukrainës, në Asamblenë e Përgjithshme të Këshillit të Evropës.

XS
SM
MD
LG