Kremlini ka mohuar se presidenti Vladimir Putin ka kontaktuar yllin e popit, Elton John, i cili ka thënë se do që të bisedojë me të për të drejtat e homoseksualëve.
John ka thënë se dëshiron të flasë me Putinin për qëndrimin e tij “qesharak”.
Më vonë, në një mesazh në Instagram, John ka falënderuar Putinin për bisedën telefonike.
Por, zëdhënësi i Putinit, Dmitry Peskov, ka thënë se nuk ka ndodhur asnjë bisedë midis tyre.
Në mesazhin e këngëtarit thuhej: “Pres takimin me ju ballë për ballë për të diskutuar barazinë e LGBT-së (lesbikeve, homoseksualëve, biseksualëve dhe transseksualëve) në Rusi”.
Zyra e tij ka konfirmuar se dy burrat kanë biseduar.
Por, Peskov u ka thënë gazetarëve se raportet për bisedën nuk janë të vërteta.
Elton John, ndërkaq, ka zbuluar se është homoseksual në vitin 1988, pasi është divorcuar nga gruaja e tij gjermane, Renate Blauel.
Ai është martuar me partnerin e tij, David Furnish, vitin e kaluar.
Rusia përballet me kritika ndërkombëtare për shkak të ligjeve të saj kundër homoseksualitetit.