Kuba ka emëruar ambasadorin e saj në Shtetet e Bashkuara, për herë të parë qysh në vitin 1961.
Jose Cabanas është një diplomat veteran, i cili ka drejtuar “seksionin e interesave” të Kubës në Uashington qysh në vitin 2012.
Ai është pritur në Shtëpinë e Bardhë, së bashku me 15 diplomatë të rinj nga vende të tjera.
Uashingtoni po ashtu pritet të njoftojë se kush do të shërbejë si ambasador i tij në Havana.
Zhvillimet janë pjesë e përmirësimit të vazhdueshëm të marrëdhënieve midis dy vendeve.
