Papa Françesk ka arritur mbrëmë në Kubë, në kuadër të turneut, gjatë të cilit do t’i vizitoj edhe Shtetet e Bashkuara.
Papa është pritur nga presidenti i Kubës, Raul Castro, dhe me këtë rast e ka lavdëruar afrimin aktual të raporteve ndërmjet Kubës dhe Shteteve të Bashkuara.
“Tash për disa muaj, ne jemi dëshmitar të ngjarjes që na mbush me shpresë: procesi i normalizimit të marrëdhënieve ndërmjet dy popujve, pas viteve të ndarjes”, tha Papa.
Ai, mëtutje, ka kërkuar që liderët e të dy vendeve “ta mbrojnë këtë rrugë si një shembull të pajtimit për gjithë botën”.
Papa Françesk, 78 vjeçar, do të qëndroj tri ditë në Kubë, e pastaj do t’i vizitoj Shtetet e Bashkuara, me ç’rast do të flasë në Kongresin e Shteteve të Bashkuara dhe në Asamblenë e Përgjithshme të Kombeve të Bashkuara.
Ai do ta udhëheq një shërbim multireligjioz në të ashtuquajturin Ground Zero 9/11 një Nju Jork, ndërsa në Filadelfi do ta mbajnë një meshë.
