Avokati, Ivan Pavlov, që e përfaqëson një grup të ushtarëve rusë, për të cilët thuhet se kanë refuzuar të vendosen fshehtas në Siri, thekson se autoritetet u kanë tërhequr vërejtjen klientëve të tij se mund të ballafaqohen me akuza për tradhëti.
Avokati Pavlov i ka thënë dje Radios Evropa e Lirë se oficerët e Shërbimit federal të sigurisë së Rusisë (FSB), aktualisht po i marrin në pyetje klientët e tij.
Ai ka theksuar se autoritetet tash i kanë filluar aktivitetet për kthimin e tyre në njësitë prej nga kanë ardhur, pasi raportet në media e zbuluan këtë çështje.
Avokati Pavlov thotë se ushtarët në Armatën e Rusisë vazhdojn të trajtohen si “material ushtarak” nga komandantët e tyre.
