Papa Françesku është takuar dhe është lutur me një grup të vogël të fëmijëve të abuzuar seksualisht në Shtetet e Bashkuara, duke thënë se “Zoti qan për vuajtjet e tyre”.
Duke folur pas takimit, Papa ka premtuar se do t’i mbajë përgjegjës kryesit e skandaleve në Kishë.
Shumë të mbijetuar të abuzimit janë të zemëruar me mënyrën se si Vatikani është marrë me akuzat.
Kisha Romake Katolike në SHBA ka qenë e përfshirë në një seri të skandalave seksuale me fëmijët.
Dioqezat amerikane kanë bërë pagesa të mëdha për kompensimin e viktimave.
Papa ka takuar të dielën në Pensilvani pesë viktima, tani të rritur, që janë abuzuar seksualisht si fëmijë.
Grupi – tri gra dhe dy burra – është abuzuar nga klerikët, anëtarët e familjes ose mësuesit, ka thënë përmes një deklarate zëdhënësi i Papës, ati Federico Lombardi.
Në muajin qershor, Papa ka miratuar krijimin e një gjykate për të dëgjuar rastet e peshkopëve të akuzuar për mbulimin e abuzimit të fëmijëve nga priftërinjtë pedofilë.
Filadelfia është ndalesa e fundit e Papës në turneun gjashtëditor në Shtetet e Bashkuara.
Papa ka qëndruar edhe në Uashington dhe Nju Jork.
