Partitë separatiste të Katalonisë kanë thënë se fitorja në zgjedhjet rajonale të së dielës u jep atyre mandatin për të punuar për pavarësinë nga Spanja.
Qeveria në Madrid ka përsëritur se është kundër votimit për pavarësi, duke thënë se nacionalistët nuk kanë siguruar shumicën e votave.
Aleanca kryesore separatiste dhe një parti e vogël pro pavarësisë kanë fituar 72 nga 135 ulëset e parlamentit rajonal.
Pavarësisht shumicës parlamentare, separatistët kanë marrë 47.8 përqind të votave.
Katalonia ka 7.5 milionë banorë dhe përbën rreth një të pestën e prodhimit kombëtar të Spanjës.