Luftëtarët talibanë kanë marrë nën kontroll disa pjesë të kryeqytetit të provincës Kunduz, në veri të Afganistanit, pas disa orë përleshjesh me forcat e sigurisë.
Zëdhënësi i policisë provinciale, Sayed Sarwar Hussaini, ka thënë se militantët kanë kapur më shumë se gjysmën e qytetit.
“Luftime të ashpra vazhdojnë në qendër të qytetit. Ai është i ndarë në dy pjesë dhe është kthyer në zonë lufte”, ka thënë zëvendësguvernatori i provincës, Hamdulla Daneshi, për Radion Afganistani i Lirë.
Agjencia Reuters ka raportuar se militantët janë disa blloqe larg kompleksit të guvernatorit.
Policia ka thënë se ka viktima nga të dyja palët.