Zyrtarë të disa vendeve thonë se mbi 1,000 njerëz kanë vdekur nga rrëmuja në pelegrinazhin e Haxhit, javën e kaluar.
Shifra e fundit që kanë dhënë autoritetet saudite, ka qenë 769.
Megjithatë, një zyrtar i Nigerisë i ka thënë BBC-së se mbi 1,000 trupa janë dërguar nga vendi i katastrofës në morgjet e qytetit Xhedah.
Zyrtarë të Indisë, Pakistanit dhe Indonezisë po ashtu kanë thënë se mbi 1,000 njerëz kanë vdekur.
Tragjedia ka ndodhur të enjten e kaluar në Luginën Mina, pranë Mekës.
Ky ka qenë incidenti më vdekjeprurës në Haxh që 25 vjet.
