Stilisti me famë botërore, Ralph Lauren, ka njoftuar se jep dorëheqje nga udhëheqja e kompanisë luksoze të modës, të cilën e ka themeluar gati 50 vjet më parë.
Ai do të zëvendësohet në muajin nëntor nga Stefan Larsson, president i kompanisë Old Navy, e cila prodhon rroba me çmime më të lira.
Lajmi ka bërë që aksionet e Ralph Lauren të rriten.
Ralph Lauren ka bërë 7.5 miliardë dollarë nga shitjet e vitit të kaluar.
Lauren ka thënë se pasardhësi i tij është “jashtëzakonisht i talentuar” dhe se do të sjellë një perspektivë të freskët për kompaninë.
