Ushtria pakistaneze ka thënë se ka vrarë 25 militantë të dyshuar në bastionet e tyre veriperëndimore, në kufi me Afganistanin.
Një zyrtar i inteligjencës pakistaneze ka thënë se gjashtë streha të militantëve janë shkatërruar.
Qeveria ka nisur ofensivën kundër talibanëve pakistanezë vitin e kaluar, sidomos në rajonin e Vaziristanit Verior.
Por, pavarësisht aksioneve kundër militantëve që sulmojnë shtetin pakistanez, Afganistani fqinj thotë se Pakistani lejon që territori i tij të përdoret nga talibanët afganë, që luftojnë Qeverinë në Kabul.
Pakistani mohon një gjë të tillë dhe akuzon Afganistanin dhe Indinë për mbështetje të militantëve që luftojnë Qeverinë pakistaneze.