Shtetet e Bashkuara kanë shprehur shqetësim të thellë lidhur me një vendim gjyqësor në Gjeorgji, për ta ndërruar menaxhmentin e një stacioni më të madh të pavarur televiziv në këtë vend.
Pardje, një gjykatë ka urdhëruar që menaxherët e lartë të stacionit televiziv, Rustavi-2, të zëvendësohen me administratorë të përkohshëm të emëruar nga një biznesmen me lidhje të qarta me qeverinë.
Zëdhënësi i Departamentit amerikan të shtetit, John Kirby, tha mbrëmë vonë se “në shoqërinë demokratike, opinioni kritik duhet të inkurajohet, e jo të heshtet”.
Këtë veprim e ka dënuar edhe Organizarta për Siguri dhe Bashkëpunim në Evropë (OSBE) dhe organizata Freedom House.