Ministri i Drejtësisë i Kosovës, Hajredin Kuçi, ka pritur sot në takim eurodeputeten Ulrike Lunacek.
Dy zyrtarët janë fokusuar kryesisht në integrimin evropian të Kosovës.
Kuçi ka përmendur rëndësinë e Marrëveshjes së Stabilizim Asociimit si hap i parë juridik në marrëdhëniet Kosovë - BE dhe ka theksuar se institucionet e Kosovës janë të gatshme të marrin përsipër përgjegjësitë që u takojnë.
"Ministri Kuçi theksoi gatishmërinë për thellim të bashkëpunimit me partnerët ndërkombëtarë, me interes të llogaridhënies dhe ruajtjes së sovranitetit të shtetit të Republikës së Kosovës", thuhet në njoftimin e Ministrisë së Drejtësisë.