Rusia ka kërkuar që Perëndimi të heqë dorë nga kërkesa për mërgimin politik të presidentit sirian, Bashar al-Assad, nëse do një koalicion të vërtetë ndërkombëtar kundër grupit militant Shteti Islamik (IS).
“Unë shpresoj në ndryshimin e qëndrimit të kolegëve tanë perëndimorë”, ka thënë ministri i Jashtëm rus, Sergei Lavrov.
Ai ka thënë se ndryshimi i pozicionit ka nisur të vërehet që nga sulmet terroriste në Paris, javën e kaluar, dhe nga bombardimi i avionit rus mbi qiejt e Egjiptit, muajin e kaluar.
Shtetet e Bashkuara dhe aleatët e tyre duan që Assadi të japë dorëheqje gjatë ose në fund të periudhës së tranzicionit.
Moska këmbëngul se vetëm populli sirian duhet të vendosë për fatin e tij.
