Sulm në një kompleks policor në Afganistan
Forcat afgane janë vënë në gatishmëri të lartë, pasi militantët kanë sulmuar një seli të policisë, në provincën Kandahar. Autoritetet kanë thënë se një sulmues vetëvrasës ka shpërthyer eksplozivët e tij, ndërsa katër militantë të tjerë kanë bërë përpjekje të hyjnë në kompleks. Të gjithë sulmuesit janë vrarë. Një ushtar afgan po ashtu është vrarë. Talibanët kanë marrë përgjegjësinë për sulmin.