Së paku 12 veta janë vrarë në kryeqytetin e Egjiptit, Kajro, pasi një bombë zjarri është hedhur në një klub nate.
Ngjarja ka ndodhur në zonën Agouza në qendër të qytetit.
Gazeta Cairo Post ka raportuar se tre persona të maskuar kanë hedhur pajisjen shpërthyese në lokal, përpara se janë larguar.
Nuk është ende e ditur nëse sulmi është kryer nga militantët islamikë, të cilët janë duke zhvilluar një kryengritje në vitet e fundit.
