Pjesëtarë talibanë kanë sulmuar aeroportin në qytetin lindor të Afganistanit, Kandahar.
Sameem Khpalëak,zëdhënës i guvernatorit lokal, i ka thënë Radio Afganistanit të Lirë se me gjasë, tre sulmues të armatosur, me jelekë vetëvrasës, ishin pozicionuar brenda një shkolle, në të cilën ishte vendosur personeli i aeroportit, dhe kishin filluar të shtijnë me armë zjarri drejt forcave të sigurisë.
Nuk ka ende raporte për pasoja në njerëz.
Zëdhënësi i talibanëve, Qari Yousuf Ahmadi, tha se një numër luftëtarësh ka hyrë në mjediset e aeroportit dhe janë duke luftuar me forcat e sigurisë.
Forcat afgane kanë marrë formalisht kontrollin mbi sigurinë e vendit më 1 janar, por që prej atëherë kanë hasur në vështirësi për ta luftuar rritjen e ndikimit Taliban dhe për të parandaluar sulmet terroriste. Në shtator, talibanët arritën që për një periudhë të shkurtër, të pushtojnë kryeqytetin provincial Kunduz.